2019թ. ամառային զորակոչի շրջանակում շարքային կազմի պարտադիր զինվորական ծառայության զորակոչի ենթակա քաղաքացիներին զինված ուժերի պատվո պահակային վաշտում զինվորական ծառայության նշանակելու նպատակով հունիսի 25-ին և 26-ին N զորամասի տարածքում իրականացվելու է զորակոչիկների ընտրություն:

ՀՀ ՊՆ մարդու իրավունքների և բարեվարքության կենտրոնի պետ, գնդապետ Ալեքսանդր Ավետիսյանը նախորդ շաբաթ չհայտարարված այցեր է իրականացրել Տավուշի մարզում տեղակայված զորամասեր:

Հունիսի 10-ին ՀՀ ԶՈՒ գլխավոր շտաբի պետ, գեներալ-լեյտենանտ Ա. Դավթյանը ԶՈՒ և ԶՈՒ ԳՇ ղեկավար կազմի հետ անցկացրել է խորհրդակցություն, որի ընթացքում քննարկվել են զորքերի մարտական պատրաստության և պատրաստականության, գնումների և ապահովման գործընթացի հետ կապված մի շարք հարցեր: ԶՈՒ գլխավոր շտաբի պետը պատասխանատու ստորաբաժանումների ղեկավարներին հանձնարարականներ է տվել առկա խնդիրների լուծման վերաբերյալ:

Հունիսի 7-ին ՀՀ ՊՆ «Զառ» ուսումնական կենտրոնում անցկացվել են «Լավագույն մարտավարական վաշտ» և «Լավագույն դիպուկահարների դասակ» համաբանակային մրցումները:

1-ին զորամիավորման զորամասերից մեկում, նռնակաձիգների հմտություններն ու կարողությունները կատարելագործելու նպատակով, անցկացվել են կրակային պատրաստության գործնական պարապմունքներ։

1-ին զորամիավորման ենթակայությամբ գործող զորամասերից մեկում հունիսի 7-ին հետևակի մարտական մեքենաների անձնակազմերի հետ անցկացվել են գործնական պարապմունքներ՝ մարտական հրաձգությամբ: Նորմացույցների համաձայն՝ իրականացվել է ՀՄՄ-ների երթ, խոցվել են անշարժ և շարժական թիրախներ: Պարապմունքներին մասնակցող անձնակազմերի գործողությունները գնահատվել են «լավ»:

Հունիսի 5-ից 7-ը 4-րդ զորամիավորման ուսումնական կենտրոնում անցկացվել է հրետանային դիվիզիոնի մարտական հրաձգությամբ ցուցադրական մարտավարական զորավարժություն: