Հունիսի 7-ին ՀՀ պաշտպանության նախարար Դավիթ Տոնոյանն ընդունել է ամերիկյան Ատլանտյան Խորհրդի պատվավոր նախագահ, պաշտոնաթող գեներալ Ջեյմս Ջոնսին:

Հունիսի 3-ից 7-ը ՀՀ ՊՆ վարչական համալիրում անցկացվել է հայ-ռուսական ռազմատեխնիկական համագործակցության միջկառավարական հանձնաժողովի 14-րդ նիստը:

Փոխհամագործակցության շրջանակներում, նախապես կազմված պլանի համաձայն, 4-րդ զորամիավորման, ՀՀ-ում տեղակայված ՌԴ 102-րդ ռազմակայանի և օպերատիվ ուղղության հրամանատարության մասնակցությամբ կազմակերպվել է խնդիրների ճշգրտում տեղանքում:

Հունիսի 5-ից 6-ը 4-րդ զորամիավորման զորամասերից մեկում անցկացվել է մարտական հրաձգությամբ մարտավարական զորավարժություն:

Հունիսի 4-ից 6-ը 3-րդ զորամիավորման հրամանատարի ղեկավարությամբ անցկացվել է մարտական հրաձգությամբ գումարտակային ցուցադրական զորավարժություն, որին ներգրավվել են նաև ՀՀ ոստիկանության զորքերի ստորաբաժանումները:

Հունիսի 6-ին անցկացվեց 5-րդ զորամիավորումում ընթացող հրամանատարաշտաբային զորավարժության երկրորդ՝ կրակային փուլը:

Հունիսի 6-ին 1-ին զորամիավորման ենթակայությամբ գործող զորամասերից մեկում անցկացվել են տանկային մեքենավարման գործնական պարապմունքներ: