Մայիսի 30-ին 1-ին զորամիավորման հրամանատարի տեղակալ, գնդապետ Ա. Թումանյանը հանդիպել է ենթակա զորամասերից մեկի սպայական և սերժանտական կազմի հետ: Հանդիպման ընթացքում քննարկվել են զինծառայողների շրջանում կանոնադրական փոխհարաբերությունների խախտումների դեպքերն ու բռնարարքները բացառելու հարցերը: Նախանշվել են հստակ միջոցառումներ նման դեպքերի կանխարգելման ու բացառման ուղղությամբ, տրվել ցուցումներ:

Մայիսի 30-ին 1-ին զորամիավորման հրամանատարությունը հանկարծակի ստուգումներ է իրականացրել հրետանային զորամասերից մեկում:

Պատրաստության պլանի համաձայն՝ 1-ին զորամիավորման ենթակայությամբ գործող հատուկ նշանակության ստորաբաժանումներում կատարելագործում են գործնական հմտությունները:

Մայիսի 29-ին 4-րդ զորամիավորումում տեղի է ունեցել ռազմական խորհրդի նիստ, որի ընթացքում, ի թիվս այլ հարցերի, քննարկվել են զորամասերում մարտական հերթապահության նախապատրաստման և կրման պայմանների, մարտական դիրքերի ինժեներական հագեցվածության բարելավման հետ կապված խնդիրներ:

1-ին զորամիավորման ենթակայությամբ գործող զորամասերից մեկում անցկացվել են կրակային պատրաստության և մեքենավարման գործնական պարապմունքներ:

Դաշտային պայմաններում անձնակազմի վարժվածության մակարդակը և առաջադրվող մարտական խնդիրների ճիշտ ու հստակ կատարման արդյունավետությունը բարձրացնելու նպատակով մայիսի 29-ից հունիսի 2-ը 5-րդ զորամիավորման կապի ստորաբաժանումների հետ անցկացվում են ուսումնական վարժանքներ` դաշտային ելքով:

Մայիսի 29-ին ՀՀ ՊՆ Վ. Սարգսյանի անվան ռազմական համալսարանում տեղի է ունեցել Գարեգին Նժդեհի «Հիշիր պատերազմը» ձայնային գրքի շնորհանդեսը: