ՀՀ պաշտպանության նախարար Դավիթ Տոնոյանը մայիսի 10-ին ընդունել է ազգային և համապետական մակարդակով աղետների պատրաստվածության գնահատում իրականացնելու նպատակով Հայաստան այցելած Արտակարգ իրավիճակներին պատրաստվածության ռազմաքաղաքացիական ծրագրի (Civil military Emergency Preparedness Program – CMEP) ղեկավար Սքոթ Մորլանդին և փորձագետ Կարլ Ֆրանցին:

Զինծառայողների մասնագիտական գիտելիքների կատարելագործման, գործնական հմտությունների մակարդակի բարձրացման և առաջադրվող խնդիրների կատարման գործընթացում նոր մոտեցումների ձևավորման նպատակով 5-րդ զորամիավորման N զորամասում, համաձայն մարտական պատրաստության պլանի, անցկացվել են սպայակազմի հրամանատարական պատրաստության պարապմունքներ:

1-ին զորամիավորման հատուկ նշանակության ստորաբաժանումներից մեկում անցկացվել են հանկարծակի ստուգումներ:

Մայիսի 9-ին 2-րդ զորամիավորման զորամասերից մեկում կազմակերպվեց Գեղարքունիքի մարզի Ծովակ, Վանևան և Խաչաղբյուր համայնքների միջնակարգ դպրոցների ավարտական դասարանների աշակերտների հետ հանդիպում:

Մայիսի 8-ին Վայոց ձոր մարզի Եղեգնաձոր քաղաքի N 1 հիմնական դպրոցում տեղի ունեցավ տոնական միջոցառում՝ նվիրված մայիսյան հաղթանակներին:

Արդեն ավանդույթ է դարձել, որ մայիսյան Եռատոնի նախօրեին Արցախի Հանրապետության կառավարության և հասարակական կազմակերպությունների ներկայացուցիչներն այցելեն ՊԲ զորամասեր, առաջնագիծ, հանդիպեն սահմանը հսկող մեր զինվորներին: Մայիսի 7-ին Քաշաթաղի շրջանի պատվիրակությունը նույնպես առաջնագծում էր:

Հանրապետության հյուսիսարևելյան սահմանագոտում տեղակայված զորամասերից մեկում ենք: Կայացման ու հզորացման երկար ճանապարհ է անցել այս զորամասը: Մոտակա բնակավայրերից հեռու լինելու, դժվարամատչելի տեղանքի պատճառով այն կեսլուրջ-կեսկատակ համարել են «քարտեզից դուրս»: