Մարտի վարման ընթացքում կրակի տարբեր տեսակների կիրառման հմտությունները կատարելագործելու նպատակով 4-րդ զորամիավորման ենթակա զորամասերից մեկի մարտավարական դաշտում, ուսումնական վաշտի անձնակազմի ներգրավմամբ, անցկացվել են հրաձգության մարզումներ։

ՀՀ ԶՈՒ ԳՇ պետի կողմից իրականացվող համալիր ստուգումների շրջանակում հարավարևելյան ուղղությամբ տեղակայված հրետանային զորամասերից մեկի ստորաբաժանումները մարտական տագնապով դուրս են բերվել զորավարժարան:

5-րդ զորամիավորման Վ. Սարգսյանի անունը կրող զորամասի մարզադահլիճում անցկացվել է ազատ ոճի ըմբշամարտի մանկապատանեկան մրցաշար` նվիրված քառօրյա պատերազմի զոհերի հիշատակին: Մրցաշարին մասնակցել են Արարատի, Արագածոտնի, Կոտայքի մարզերի տարբեր քաշային կարգի ըմբիշներ:

Ապրիլի 20-ին 3֊րդ զորամիավորման ենթակա զորամասերից մեկի զինծառայողները կցագրված ուսումնական հաստատությունների հետ մասնակցել են ինտելեկտուալ խաղ-մրցույթի: Թեժ պայքարի արդյունքում հաղթող են ճանաչվել զինծառայողները:

Ապրիլի 20-ին հուշարձանների պահպանության միջազգային օրվա շրջանակներում 3֊րդ զորամիավորման ենթակա զորամասերի զինծառայողները կցագրված ուսումնական հաստատությունների, տեղական ինքնակառավարման մարմինների հետ համատեղ կատարել են պատմամշակութային նշանակության կառույցների մաքրման, բարեկարգման աշխատանքներ:

Աշխատանքային այցով ՌԴ ժամանած ՀՀ զինված ուժերի գլխավոր շտաբի պետ, գեներալ-լեյտենատ Արտակ Դավթյանը ապրիլի 19-ին հանդիպել է ՌԴ Հարավային ռազմական շրջանի հրամանատար, գեներալ-գնդապետ Ալեքսանդր Դվորնիկովի հետ: Հանդիպմանը մասնակցել է նաև ՀՀ ԶՈՒ և ՌԴ ԶՈՒ զորքերի (ուժերի) միացյալ խմբավորման հրամանատար, գեներալ-մայոր Տիգրան Փարվանյանը:

Ապրիլի 18-ին «Եռաբլուր» զինվորական պանթեոնում տեղի ունեցավ «Աշոտ Երկաթի խաչ» կրծքանշանների հանձնման արարողություն և Ոտնլվայի կարգ ՀՀ ՊՆ ռազմական ոստիկանության զինծառայողների մասնակցությամբ: