Մարտի 22-ին ՀՀ ՊՆ վարչական համալիրում կայացել է զինծառայողների ապահովագրության հիմնադրամի հոգաբարձուների խորհրդի 2019թ. անդրանիկ նիստը, որը վարել է հոգաբարձուների խորհրդի նախագահ, ՀՀ պաշտպանության նախարար Դավիթ Տոնոյանը:

Կցագրված սպառազինությունն ու նյութական միջոցները նպատակային կիրառելու, ռելիեֆային ու եղանակային բարդ պայմաններում դրանց օգտագործման ունակությունները զարգացնելու նպատակով 5-րդ զորամիավորման ենթակա զորամասերի հատուկ նշանակության ստորաբաժանումների հետ անցկացվել են պատրաստության պարապմունքներ:

Բացազատված կապի համակարգի կայունությունն ապահովելու և ազդանշանների հաղորդման ու ստացման ժամանակ անձնակազմի գործնական հմտությունները կատարելագործելու նպատակով մարտի 21-ին 4-րդ զորամիավորումում անցկացվել են կապի ստորաբաժանումների վարժանքներ:

Գիշերային պայմաններում հրաձգային զենքի օգտագործման հմտությունների կատարելագործման նպատակով մարտի 20-ին 4-րդ զորամիավորման ենթակա N զորամասի հրաձգարանում անցկացվել են մարտական հրաձգությամբ ցուցադրական պարապ­մունքներ:

Անձնակազմի մարտական ունակությունները կատարելագործելու նպատակով մարտի 21-ին 3-րդ զորամիավորման ուսումնական կենտրոններից մեկում վարչակազմի հետ անցկացվել է կրակային պատրաստության գործնական պարապմունք:

Մարտի 19-ից 20-ը 3-րդ զորամիավորման ենթակա զորամասերում անցկացվել են շտաբային մարզումներ:

Անձնակազմի գործնական հմտությունը բարձրացնելու և առաջադրվող խնդիրների կատարման արդյունավետությունը ստուգելու նպատակով Գեղարքունիքի կայազորային հոսպիտալում անցկացվել են շտաբային մարզումներ։