«Սեւ արկղ» բառակապակցությունը հեռուստաեթերից հիմնականում հնչում է երկու դեպքում՝ «Ի՞նչ, որտե՞ղ, ե՞րբ» խաղի ընթացքում, մեկ էլ ավիաաղետների ժամանակ: Եվ եթե ինտելեկտուալ հեռուստահաղորդման մեջ սեւ արկղն իրապես սեւ է եւ իրապես էլ արկղի ձեւ ու տեսք ունի, ապա նույնը չենք կարող ասել ինքնաթիռի սեւ արկղի մասին: Այն իր տեսքով ավելի շատ գունդ է հիշեցնում եւ նարնջագույն է: Գույնի ընտրությունը բոլորովին էլ պատահական չէ, քանի որ վառ գուներանգը հնարավորություն է տալիս ավելի հեշտությամբ հայտնաբերել արկղը վթարի վայրում:

Բաթումիում օրերս ավարտված (21-24-ը նոյեմբերի) «Ատելության խոսք և տեղեկատվական պատերազմ. որակյալ լրագրության մարտահրավերներ» համաժողովում, որը կազմակերպվել էր «Դոյչե վելլե ակադեմիայի» նախաձեռնությամբ, ներկայացվել է անդրկովկասյան երեք հանրապետությունների` Հայաստանի, Վրաստանի, Ադրբեջանի վեցական զանգվածային լրատվության միջոցի շրջանում իրականացված ուսումնասիրությունը` ատելության խոսքի դրսևորումների շուրջ:

Չափազանց մեծ է գնդապետ Գրիգորի Սահակյանի հրամանատարությամբ գործող խառը հրետանային զորամասի ավանդը Լեռնային Ղարաբաղի Հանրապետության ազատագրման համար մղված պայքարում: Եվ հրադադարի հաստատումից գրեթե քսանհինգ տարի անց այսօր այստեղ իրենց ծառայությունը շարունակում, երիտասարդ սերնդին ռազմական տեխնիկայի ճիշտ օգտագործման գաղտնիքներն են սովորեցնում պատերազմի բովում թրծված բազմաթիվ սպաներ, ենթասպաներ: Նրանցից մեկն էլ հակատանկային վաշտի հրամանատար, կապիտան Գարիկ Ղուկասյանն է:

Մայոր Էրիկ Աղասյանը ԼՂՀ պաշտպանական բանակի գնդապետ Էդուարդ Ասրյանի հրամանատարությամբ գործող զորամասի հոգեբան սպան է: Արցախի պետական համալսարանի պատմության-մանկավարժության ֆակուլտետն ավարտելուց հետո նա երեք տարի զբաղվել է մանկավարժությամբ, իսկ 2003թ.-ից անցել է զինվորական ծառայության, եղել է շարային մասի ավագ սպա, վաշտի հրամանատարի ԱՀՏԱ գծով տեղակալ, իսկ 2010թ.-ից կատարում է հոգեբանի, իր բնորոշմամբ՝ աննկատ, բայց շատ հետաքրքիր և միաժամանակ բարդ ու պատասխանատու աշխատանքը:

ՀՀ ՊՆ Վազգեն Սարգսյանի անվան ռազմական ինստիտուտում նոյեմբերի 20-ին տեղի ունեցավ համակարգչային նոր լսարանի հանդիսավոր բացման արարողությունը, որին մասնակցում էր ՀՀ պաշտպանության նախարար Սեյրան Օհանյանը:
Սեյրան Օհանյանը եւ պաշտպանական գերատեսչության բարձրաստիճան ներկայացուցիչները նախ եղան ռազմաուսումնական հաստատության ամբողջովին նորոգված եւ նորովի կահավորված փառքի սրահում, այնուհետեւ մասնակցեցին ժամանակակից տեխնիկայով, ծրագրային ապահովումներով հագեցած համակարգչային լսարանի հանդիսավոր բացմանը:

Ադրբեջանական զինուժի կողմից հայկական ուղղաթիռի խոցումն աշխարհաքաղաքական խոր գործընթացների մի մասն է և միտված է փոխելու ուժերի դասավորվածությունը մերձավորարևելյան տարածաշրջանում: Մինչդեռ Բաքվի գործողությունների հետևում կանգնած ուժերի սպասելիքները չիրականացան. ստատուս քվոն կպահպանվի ևս անորոշ ժամանակով: