-Ես իմ մի շարք ելույթներում, ինչպես նաև տարբեր լրատվամիջոցներին տված հարցազրույցներում ընդգծել եմ, որ Թալիշստանի ազգային հեռուստատեսության (ԹԱՀ) հրապարակ գալով, հանուն Թալիշստանի անկախության մղած մեր ազգային շարժումը թևակոխեց նոր փուլ: Սակայն ԹԱՀ-ը միաժամանակ նոր փուլ է ազդարարում նաև Անդրկովկասի մյուս արմատական ժողովուրդների ազգային-ազատագրական պայքարի համար: 2003 թվականից սկսած՝ թալիշական ազգային շարժումը գործուն աշխատանքներ է տանում այս ժողովուրդներին միավորելու ուղղությամբ: Մեր ուժերը միավորելու և ընդհանուր ճակատով պայքարելու առաջարկությամբ մենք բազմիցս դիմել ենք տարածաշրջանի ազգային շարժումները գլխավորողներին. ակնհայտ է, որ միայն համատեղ ուժերով պայքարելու դեպքում մենք կկարողանանք հասնել բաղձալի արդյունքի: Եվ ես այսօր անսահման ուրախ եմ, որ մեր կոչերը արժանի արձագանք են գտել և իրականություն են դառնում:

Մարդու մարմնի վրա կան բազմաթիվ խոցելի, ցավոտ մասեր և նուրբ կետեր, որոնց թեթևակի հարվածելու դեպքում անգամ հնարավոր է պատճառել ծանր մարմնական վնասվածք կամ նույնիսկ մահ:
Քանի որ մենք գործ ունենք հիմնականում զինվորական հանդերձանքով հակառակորդի հետ, պետք է ուսումնասիրել առավել խոցելի, մակերեսային մասերը:
Փաստացիորեն, մարդու բոլոր շարժողական հոդերի ծալմանը հակառակ ուժային ազդեցությունը կամ հարվածը կարող է պատճառել հոդախախտում, կոտրվածք կամ ցավոտ, շարքից հանող վնասվածք:

Բելառուսի Հանրապետությունը դարձավ ԱՊՀ երկրներից առաջին պետությունը, որը գնեց ռուսական արտադրության նորագույն ուսումնամարտական ինքնաթիռներ: շԽ-130 ուսումնամարտական ինքնաթիռների առաջին առաքումը Բելառուսի զինված ուժեր կարող է իրականացվել մինչև այս տարվա մարտի վերջը: Այս մասին լրագրողներին տեղեկացրել է երկրի Ռազմաօդային ուժերի և Հակաօդային պաշտպանության զորքերի հրամանատար Օլեգ Դվիգալևը:

Շատերն արդեն իրենց կյանքը չեն պատկերացնում առանց բջջային հեռախոսների, համացանցի, ֆեյսբուքի… Ժամանակին բոլորն ուրախանում էին, թե ինչ հետաքրքիր է դարձել կյանքը. կարելի է վայրկենապես կապ հաստատել աշխարհի տարբեր ծայրերում գտնվող մարդկանց հետ, հետաքրքիր տեղեկություններ կարդալ, իմանալ: Այժմ հրճվանքը մի փոքր թուլացել է, և մարդիկ սկսում են սթափ նայել իրավիճակին: Բժիշկները տագնապ են հնչեցնում` առողջության համար այնքան էլ անվտանգ չէ գիշեր-ցերեկ համացանցին միացված լինելը: Որ դա ազդում է ոչ միայն մարդու ֆիզիկական, այլև հոգեկան առողջության վրա:

Հունվարի վերջին Apple ընկերությունը նոր տեխնոլոգիայի արտոնագիր է ստացել, որը հեռախոսները տեղափոխում է, այսպես կոչված, զոմբի-ռեժիմ, և նույնիսկ անջատված վիճակում հեռախոսը շարունակում է ազդանշան տալ իր գտնվելու վայրի մասին: Այդ գործողությունը կոչվում է «Find My iPhone»:

Զինծառայողների ավելի քան 47 հազար ընտանիք 2014 թվականին ապահովվել է սեփական և ծառայողական բնակարաններով: Այս մասին հայտարարել է Ռուսաստանի Դաշնության պաշտպանության նախարարության բնակարանային ապահովման վարչության պետ Սերգեյ Պիրոգովը:
«Բնակարանային ապահովման և տարածաշրջանային բնակարանային ապահովման վարչությունները անցած տարվա ընթացքում բնակարանով ապահովել են 47.3 հազար զինծառայողի: Նրանցից ավելի քան 10 %-ը ստացել են բնակարանային օժանդակություն, իսկ 16.5 %-ը՝ բնակարաններ»,-ասել է նա: Պիրոգովը տեղեկացրել է, որ պետական բնակարանային սերտիֆիկատ է ստացել 425 զինծառայող (ընդհանուր թվի 1 %-ը), 15.4 հազար մարդ (32.5%) կուտակային-հիպոթեքային համակարգի օգնությամբ ձեռք է բերել բնակարան, իսկ 18.8 հազարը (գրեթե 40 %) ապահովվել են ծառայողական բնակարաններով:

«Ֆրանսիական «Մարսել» ակումբի երիտասարդական թիմի պաշտպան Գաել Անդոնյանը հանդես կգա ֆուտբոլի Հայաստանի ազգային հավաքականում»,- ասել է ՀՖՖ նախագահ Ռուբեն Հայրապետյանը:
20-ամյա շնորհալի ֆուտբոլիստը մարտի 21-ին կժամանի Հայաստան: Նա կստանա ՀՀ քաղաքացիություն և կհամալրի մեր ազգային թիմը: Այս մրցաշրջանում Անդոնյանը մեկ անգամ հանդես է եկել նաև «Մարսելի» գլխավոր թիմի կազմում: