…Արդեն տասը տարի է՝ 164 հիմնական դպրոցը կրում է լեգենդար 89-րդ Հայկական Թամանյան դիվիզիայի զորահրամանատար, գեներալ-մայոր Նվեր Սաֆարյանի անունը: Այս տարի դպրոցի տնօրեն Արմինե Ներսիսյանի նախաձեռնությամբ որոշվեց մեծ շուքով նշել Հայրենական մեծ պատերազմի հաղթանակի 70, Վանի հերոսամարտի 100 (Ն. Սաֆարյանը վանեցի էր) և Նվեր Սաֆարյանի ծննդյան 110-ամյակները:

Մայիսյան փառահեղ տոներին էր նվիրված Երեւանի Արմեն Հովհաննիսյանի անվան 194 հիմնական դպրոցում կազմակերպված «Մենք ենք, մեր հաղթանակները» խորագիրը կրող միջոցառումը: Դպրոցը հյուրընկալել էր Հայրենական մեծ պատերազմի վետերաններ Զավեն Գասպարյանին, Սուրեն Ստեփանյանին, Հովակիմ Հարությունյանին և տողերիս հեղինակին: Տոնական միջոցառմանը մասնակցում էին նաեւ Էրեբունի վարչական շրջանի զինկոմ, գնդապետ Սահակ Սահակյանը, շրջանի կրթության բաժնի պետ Իննա Դավթյանը, ԵԿՄ Էրեբունու մասնաճյուղի ղեկավար Հովհաննես Մարտիրոսյանը, համայնքի Հայրենական մեծ պատերազմի, զինված ուժերի վետերանների խորհրդի նախագահ, փոխգնդապետ Խաչատուր Խաչատրյանը:

Հայրենական մեծ պատերազմի հենց առաջին օրը՝ 1941թ. հունիսի 22-ին, սկսվեց ԽՍՀՄ արևմտյան սահմանին գտնվող Բրեստ քաղաք-ամրոցի պաշտպանությունը, որը պատմության մեջ մտավ որպես Բրեստի հերոսական պաշտպանություն և դարձավ Մեծ հայրենականի ամենանշանավոր հերոսամարտերից մեկը: