…Անկախության կանչին մեր միասնական ու հնչեղ արձագանքը, մեր «Այո»-ն հրաշք գործեց:
Ծնեց անկոտրում այն զինվորին, որին այսօր սառնասիրտ վարձկանից ու զոմբիացած հրոսակից բաժանում է ընդամենը հարյուր քայլ:
Այն զինվորին, որը գիտե սակայն, որ իր եղբայրների ու քույրերի, հայրերի ու մայրերի անդորրն ու խաղաղ քունը, գոյությունն իսկ անէությունից բաժանում է հենց այդ հարյուր քայլը:
Այն զինվորին, որն արկածախնդիր հարեւանին այդ հարյուր քայլը հաղթահարելու ամեն մի փորձի դիմաց ստիպում է վճարել, շատ թանկ վճարել…

ՆԱՏՕ-ի «Գործընկերություն` հանուն խաղաղության» ծրագրի շրջանակներում սեպտեմբերի 15-ից 18-ը «Զառ» ուսումնական կենտրոնում անցկացվեցին ՊՆ խաղաղապահ բրիգադի հրաձգային գումարտակներից մեկի զորավարժությունները: Համաձայն ՆԱՏՕ-ի սահմանած պահանջների՝ ստուգվեց ստորաբաժանման մարտական պատրաստականությունը, ինչպես նաև տեխնիկայով, սպառազինության և թիկունքային այլ միջոցներով համալրվածությունը:

Մառախուղ էր, մի քանի մետր էր տեսանելիությունը: Մարտական հերթափոխը կատարվել էր 16:00-ին, և արդեն 10-15 րոպե սահմանագոտու տվյալ հատվածի պատասխանատուն ես էի՝ շարքային Հայկ Հակոբյանս: Առաջին անգամ չէի դիրքեր բարձրանում, իմ ամեն անգամվա պարտականություններն էի կատարում և ներքուստ հանգիստ էի: Խրամատում կանգնած մտորում էի: Մտքովս հազար ու մի բան էր անցնում՝ կարո՞ղ է արդյոք հակառակորդը առաջխաղացման փորձ կատարել տվյալ տեղանքում, նման բան նկատելիս ի՞նչ է պետք անել և այլն: Մառախուղը մի փոքր հետ քաշվեց: Դիտարկում էի կատարում և զմայլվում գեղեցիկ բնությամբ. ամպի քուլաները կախվում էին լեռների գագաթներից, ապա դանդաղ իջնում դեպի ձորակը, մեկ էլ սրընթաց շարժվում էին տարբեր ուղղություններով, խառնվում իրար, անթափանց շղարշով պատում հսկա լեռը: Նման գեղեցիկ ներդաշնակություն շատերը միայն ֆիլմերում են տեսել:

Շնորհավորում եմ բոլորիս Անկախության օրվա կապակցությամբ:
Հայաստանի ժողովուրդը եւ համայն հայությունը շատ թանկ է վճարել իր ազատության, անկախ պետության՝ ներկայի համար: Իրականացվել է հայ ժողովրդի բազմադարյա երազանքը, վերականգնվել է Հայոց պետականությունը, հաստատվել է անկախությունը: Հպարտությամբ կարելի է նշել, որ Հայաստանի անկախությանը իր համեստ նպաստն է բերել նաեւ եզդի ժողովուրդը: Տեղին է հիշել Հայաստանի Առաջին Հանրապետության վարչապետ Ս. Վրացյանի խոսքերը. «Հայերի չափ եւ թերեւս հայերից էլ ավելի, եզդիները նախանձախնդիր էին Հայաստանի անկախության խնդրում եւ ոչինչ չէին խնայում նրա պաշտպանության համար»: Հայ եւ եզդի՝ երկու եղբայր ժողովուրդների պատմությունը սերտորեն միահյուսված է:

Սեպտեմբերի 17-ին պաշտպանության նախարար Սեյրան Օհանյանը, ՊՆ աշխատակազմի ղեկավար Գառնիկ Հայրապետյանը, ԶՈՒ ռազմաբժշկական վարչության պետ, գնդապետ Կամավոր Խաչատրյանը, զինծառայողների սոցիալական պաշտպանության վարչության պետ, գնդապետ Սերժ Առուշանյանը, ՊՆ զորքերի բնակավորման և կապիտալ շինարարության վարչության պետի տեղակալ Մհեր Խալաթյանը, «Զինվորական բժիշկների հայկական ասոցիացիա» ՀԿ նախագահ Ռուզաննա Խաչատրյանը մի խումբ բարձրաստիճան զինվորականների ուղեկցությամբ աշխատանքային այց կատարեցին ՊՆ «Լեռնային Հայաստան» հանգստյան տուն-առողջարան: Պաշտպանության նախարարը ուղեկցող խմբի հետ եղավ առողջարանի բոլոր բաժանմունքներում, 2014թ. շահագործման հանձնված ցեխաբուժարանում, ճաշարանում զրուցեց հանգստացողների հետ, ծանոթացավ հանգստի, բուժման, ժամանցի համար նախատեսված պայմաններին: Շրջայցի ընթացքում պաշտպանության նախարարը համապատասխան վարչությունների պետերին բազմաթիվ հանձնարարականներ տվեց:

Հեռվից նկատում եմ ակնարկիս հերոսներին` Վազգեն Սարգսյանի անվան ռազմական ինստիտուտի ֆիզպատրաստության և սպորտի ամբիոնի դասախոս, փոխգնդապետ Արմեն Հովհաննիսյանին, նրա միջնեկ որդուն` լեյտենանտ Արթուրին՝ ՌԴ բարձրագույն ռազմական ուսումնարանի նախկին կուրսանտին, եւ ընտանիքի ամենափոքրիկին` հնգամյա Արտյոմին: Զինվորականներ են նաեւ Արմեն Հովհաննիսյանի ավագ որդին` Արան, որ դասակի հրամանատար է մարտական հերթապահություն իրականացնող զորամասում, եղբոր որդին՝ Դավիթը, որ կամովին մեկնել է առաջնագիծ:

2015 թ. սեպտեմբերի 12-ից 14-ը ՀՀ պաշտպանության նախարարին առընթեր Հասարակական խորհուրդը (նախագահ Գեղամ Հարությունյան) կազմակերպեց Երևանի տարբեր հաստատությունների՝ ՀՀ ԳԱԱ տարբեր ինստիտուտների, Երևանի պետական համալսարանի, Մանկավարժական համալսարանի և այլ բուհերի աշխատակիցների այցելությունը ԼՂՀ պաշտպանության բանակ:
Սեպտեմբերի 12-ի երեկոյան տեղի ունեցավ հանդիպում ԼՂՀ պաշտպանության բանակի հրամանատար, գեներալ-լեյտենանտ Լևոն Մնացականյանի հետ: Հանդիպումը ծրագրվածից ավելի ուշ կայացավ, քանի որ հրամանատարը առաջավոր դիրքերում էր: