#19 (1139) 25.05.2016 – 31.05.2016
![ԱՊՐԻԼՅԱՆ ԴԱՍԵՐ. ԳՆԱՀԱՏԱԿԱՆ ԵՎ ԱՆԵԼԻՔ](http://www.hayzinvor.am/wp-content/uploads/2016/05/4-1-1-3-300x265.jpg)
Վերջին պատերազմական գործողությունների ընթացքում ադրբեջանական կողմը մեղադրանք հնչեցրեց մեր հասցեին, թե, իբր, հայկական կողմը միջազգային կոնվենցիաներով արգելված քիմիական միջոց՝ սպիտակ ֆոսֆոր է կիրառել: Մինչդեռ սպիտակ ֆոսֆորը չեն օգտագործում բաց դաշտում, ինչը զենքի անիմաստ վատնում կլիներ: Այն հրկիզող քիմիական զենք է և սովորաբար օգտագործվում է քաղաքներում կամ տեխնիկայի կուտակումները շարքից հանելու նպատակով, իսկ թշնամին բաց դաշտում էր «հայտնաբերել» այն:
![ՀԱՅՐԵՆԻՔՍ՝ ԱՄՊԵՐԻՑ ՎԵՐ...](http://www.hayzinvor.am/wp-content/uploads/2016/05/05-1-1-225x300.jpg)
Օմարում ձմեռ է… 3000 մ-ից բարձր լեռնային այս հատվածը դեռ պատված է ձյան հաստ շերտով, թեեւ ներքեւում ստորոտն արդեն ծփում է փարթամ կանաչի մեջ: Ձյունապատ հենակետերը պահող տղաները այս լեռների տերերն են եւ արծիվների պես հսկում են հայրենիքի յոթերորդ երկինքը: Բարձունքում եղանակը շատ արագ է փոխվում. մեկ էլ ակնթարթորեն երկինքը կմթնի, կայծակ ու քամի, մշուշ ու ձյուն կանի: Իսկ երբ ամպերը ոտքերիդ տակ են հայտնվում, քեզ աշխարհի տերն ես զգում…
![«ՈՒՂՂԱԹԻՌԻ» ԴԻՐՔՈՒՄ](http://www.hayzinvor.am/wp-content/uploads/2016/05/6-1-1-12-300x184.jpg)
Հարավարեւելյան ուղղություն: Ապրիլի երկուսի առավոտ: Հակառակորդի ՄԻ-24G ուղղաթիռը գրոհում է հենակետը: Նարեկ Մալխասյանը հակատանկային նռնականետով խոցում է մոտ 30 մետր բարձրության վրա հայտնված օդային թիրախը` հողին հավասարեցնելով հակառակորդի հավակնությունները: Այդ դրվագը դիրքապահ տղաների կյանքը, ծառայությունը բաժանել է «առաջ»-ի եւ «հետո»-ի: Փոխվել է նաեւ հենակետի անվանումը. այժմ առաջնագծում այն հայտնի է որպես «Ուղղաթիռի դիրք»:
![ՄԵԿ ՀԱՅ ՏՂԱՆ 100 ԹՈՒՐՔ ԱՐԺԵ](http://www.hayzinvor.am/wp-content/uploads/2016/05/7-1-1-9-300x199.jpg)
Այսօր մայիսի 21-ն է: Երկու օրից` մայիսի 23-ին, քառօրյա պատերազմի ժամանակ հակառակորդի 3 տանկերը խոցելու համար «Մարտական խաչ» 2-րդ աստիճանի շքանշանով պարգևատրված գյումրեցի զինվոր Ռաֆայել Հովհաննիսյանը կտոնի իր ծննդյան 20-ամյա տարեդարձը:
![Դրոյի զինակից օգնականները։ Ձախից աջ՝ Հովհ. Քուրանյան, Օնե (Հովհ. Մելքոնյան, Զեմլյակ (Հ. Նանումյան), Յապոն (Հովհ. Պարոնյան), Դալի Ղազար (Միշա Հայրապետյան), Բաշգառնեցի Մարտիրոս (Մարտիրոս Աբրահամյան), Ռիժա Տիգրան:](http://www.hayzinvor.am/wp-content/uploads/2016/05/8-1-3-2-300x203.jpg)
Լույս է տեսել ազգային-ազատագրական պայքարի անվանի գործիչ Մարտիրոս Աբրահամյանի (Բաշգառնեցի խմբապետ Մարտիրոս) հեղինակած «Իմ հիշելի հուշերը» հուշագիրքը՝ բանասիրական գիտությունների թեկնածու Վարդան Պետրոսյանի խմբագրությամբ և առաջաբանով: Գրքում հեղինակը ներկայացնում է իր, ինչպես նաև հայ նշանավոր պետական, քաղաքական և ռազմական գործիչների մասնակցությամբ տեղի ունեցած Հայոց Ազատամարտի (1903-1921 թթ.) առավել ուշագրավ ու ուսանելի դեպքերը:
![ՔԱՌՕՐՅԱ ԿԱՆՉ](http://www.hayzinvor.am/wp-content/uploads/2016/05/10-1-2-1-300x200.jpg)
Օ՛, տղե՛րք, որ ելաք ալիքին՝
Տարիներ, դարեր սանձելու,
Տղե՛րք, կանգնեցիք Գալիքին`
Կապելով մեր ձեռքերն իրարու…
![ԱՅԼԸՆՏՐԱՆՔԱՅԻՆ ԾԱՌԱՅՈՒԹՅՈՒՆ. 12 ՏԱՐԻ ԱՆՑ](http://www.hayzinvor.am/wp-content/uploads/2016/05/11-1-1-10-300x222.jpg)
ՀՀ նախագահ Սերժ Սարգսյանի հրամանագրով մայիս-հուլիս ամիսներին կանցկացվի պարտադիր ժամկետային զինծառայության և այլընտրանքային զինվորական ծառայության զորակոչ, ինչպես նաև կհամալրվեն այլընտրանքային աշխատանքային ծառայության կոչվածների շարքերը: Սակայն, ինչպես մեզ հայտնեց ՀՀ զինվորական կոմիսարիատի զորակոչի բաժնի զորակոչի բաժանմունքի պետ, փոխգնդապետ Գագիկ Մանուկյանը, այլընտրանքային ծառայության մասին օրենքի ուժի մեջ մտնելու 12 տարիների ընթացքում այլընտրանքային ծառայության անցած ՀՀ քաղաքացիների թիվը ոչ միայն չի գերազանցել ընդհանուր զորակոչերի 0,1 տոկոսը, այլև նկատելի է այլընտրանքային ծառայության անցնելու դիմումների նվազման միտում: