2017թ ամառային զորակոչի անցկացման գործընթացի թափանցիկության եւ օրինականության ապահովման, զորակոչի ընթացքում քաղաքացիների դիմումներում եւ բողոքներում բարձրացված հարցերի արագ լուծման նպատակով ՀՀ պաշտպանության նախարարի հրամանով ստեղծվել է հանձնաժողով: Հանձնաժողովի նախագահ է նշանակվել ՀՀ պաշտպանության նախարարի խորհրդական Գեղամ Հարությունյանը:

Հունիսի 23-ին կառավարության հերթական նիստում գործադիրը փոփոխություններ եւ լրացումներ է կատարել ՀՀ ԿԱ ոստիկանության «Ճանապարհային ոստիկանություն» ծառայության արտաբյուջետային ֆոնդի օգտագործման ուղղություն սահմանելու, ՀՀ 2017 թվականի պետական բյուջեում եւ կառավարության 2016 թվականի դեկտեմբերի 29-ի համապատասխան որոշման մեջ։

Օրը շոգ է, աշխատանքային: Բայց Երեւանի «էրեբունի» օդանավակայանում «ասեղ գցելու» տեղ չկա. նշվում է ռազմաավիացիոն ուժերի կազմավորման 25-րդ տարեդարձը: Քանի դեռ հանդիսավոր միջոցառումը չի մեկնարկել, երեխաները մեծ ոգեւորությամբ զննում են ցուցադրված ուղղաթիռները: Իրար հերթ չտալով՝ պտտում են ղեկը, սեղմում այս ու այն կոճակը. վերջապես իրենց իսկական օդաչուներ զգալու հնարավորություն ունեն:

Շարքային Վահան Ավետիսյանն է նկարներում: Ավելի ճիշտ՝ Վահանն է ու իր զենքը՝ Կալաշնիկովի ձեռքի գնդացիրը: Ծառայության ընթացքում նրանք մի միասնություն են դարձել, անբաժան ընկերներ են: Վահանն ասում է՝ «զենքն իմ կեսն է»:

Հարավարեւելյան դիրքը սահմանի ծայրին է: Ամառային դեղնահող ճանապարհն արագ ենք անցնում եւ տեղ հասնում քրտնած ու փոշոտ: Մեքենայի անիվների արգելակման ձայնը բլինդաժում հանգստացող զինծառայողներին հավաքում է հսկայական թթենու տակ: Մերկ հարթավայրում հաստաբուն կանաչ ծառը, ասես, փրկության օազիս լինի:

Սպաների արհեստավարժ գործունեությունում առանցքային դեր է խաղում ենթակաների հետ բազմաբնույթ ուսումնադաստիարակչական աշխատանքը, անձնակազմի և նրա զինվորական գործունեության նախապատրաստման գործընթացի ղեկավարումը:

Բելգորոդի քաղաքապետարանի որոշմամբ՝ քաղաքի Վոստոչնի միկրոշրջանի փողոցներից մեկը անվանակոչվել է Երկրորդ աշխարհամարտի ժամանակ քաղաքը գերմանաֆաշիստական զորքերից ազատագրող 340-րդ հրաձգային դիվիզիայի, իսկ հետագայում նաեւ 73-րդ հրաձգային կորպուսի հրամանատար, Խորհրդային Միության հերոս, գեներալ-լեյտենանտ Սարգիս Սողոմոնի Մարտիրոսյանի անվամբ։