ՆԱՏՕ-ի և Ռուսաստանի հարաբերությունները Սև ծովում քաղաքական և ռազմական-ռազմավարական առումով շատ են հիշեցնում 1939-1941 թթ., երբ Գերմանիան և ԽՍՀՄ-ն ունեին ընդհանուր սահման, այսինքն՝ անմիջական շփման մեջ էին։ Դա պատերազմ սանձազերծելու ամենապարզ ձևն է։ Այս տարի ՆԱՏՕ-ի զորավարժություններում մշակվում են փոխգործողություններ իրական պատերազմի պայմաններում։ Անցել են ժամանակները, երբ մշակվում էին գործողություններ հիմնականում խաղաղապահական, մարդասիրական և փրկարարական օպերացիաներում։

Օրերս ԱՄՆ Լաս Վեգաս քաղաքում տեղի ունեցավ MMA վարկածով կարատեի Աշխարհի գոտու մենամարտը, և Աշխարհի գոտին նվաճեց Հայաստանը ներկայացնող մարզիկը՝ Էդգար Սողոմոնյանը։ Նա իր հաղթանակը նվիրեց 44-օրյա պատերազմում զոհված մեր զինվորների հիշատակին և հայկական բանակի բոլոր զինվորներին, այդ թվում՝ իր երկու որդիներին՝ Նարեկ և Հովհաննես Սողոմոնյաններին, որոնք ապագայում են զինվորանալու։

Պատերազմից հետո արդեն երկրորդ զորակոչն է: Կենտրոնական հավաքակայանում զինվորացող տղերքն են՝ հայրենիքի նորօրյա պաշտպանները: Իրենց տարածաշրջանին բնորոշ խոսակցականով զրուցում են, համուհոտով կատակներ անում, ծանոթանում, ընդհանուր ընկերներ գտնում:

Մեր բնօրրանը ունենալով ռազմաքաղաքական մեծ նշանակություն՝ դարեր ի վեր գայթակղության քար է եղել շատ պետությունների համար։ Սակայն դարավոր պատմության ընթացքում թուրքի «ախորժակը» գերազանցել է բոլորին…

Ծիրանափողի մեծագույն վարպետը ավարտեց իր երկրային ուղին: Մարդ–լեգենդ, որը մինչև վերջ մնաց բեմում՝ 78 տարի, ունեցավ ավելի քան 20 հազար համերգ, երեք տասնյակից ավելի միջազգային հեղինակավոր մրցանակներ: Նրա մեղեդին հնչել է 40 հայկական եւ արտասահմանյան ֆիլմերում, նրան լսել են աշխարհի բոլոր ծագերում: Ծիրանափողի մեծագույն վարպետը նվագել է մոլորակի ամենաանվանի երաժիշտների հետ, ամենահեղինակավոր համերգասրահներում… Երեք տարի առաջ ես հյուրընկալվեցի Վարպետին նրա բնակարանում:

Շաքիի ջրվեժի մոտ զրուցում էինք հերոսի հոր՝ Սեյրան Պողոսյանի հետ։
-Մանկության տարիներին Վրեժը շատ էր գալիս այստեղ և ունկնդրում Որոտանի «զրույցը»,- ասաց հայրը, որի հրավերով էինք Սիսիանում։ Հուլիսի 1-ին Վրեժը կդառնար 29 տարեկան, սակայն վերջին պատերազմը 2020 թ. աշնանը հազարավոր հայորդիների կյանք խլեց… Նրանցից մեկն էլ Վրեժն էր։

Հունիսի 29-ին՝ Անհայտ կորած ազատամարտիկների հիշատակի օրը, Երկրապահները՝ վարչության նախագահ Սասուն Միքայելյանի գլխավորությամբ, այցելեցին «Եռաբլուր» զինվորական պանթեոն, ծաղիկներ խոնարհեցին անհայտ կորած ազատամարտիկների հուշակոթողի առջև, ինչպես նաև՝ Սպարապետ Վազգեն Սարգսյանի, Զորավար Անդրանիկի և մարտական ընկերների շիրիմներին, խնկարկեցին Արցախյան վերջին պատերազմում զոհված տղաների շիրիմների առջև: