Այն, որ Թալիշական շարժումը դարձել է տարածաշրջանային նշանակության գործոն, արդեն ոչ մի տարակույս չկա:
Այո՛, այդպես է:

Իրանի ժողովուրդը տոնում է իր հաղթանակը: Ժողովուրդը շնորհակալություն է հայտնում իր բանագնացներին` պատերազմի և պատժամիջոցների ծանր ստվերը իրենց գլխից հեռացնելու համար:
Ռուսական մամուլը շվեյցարական Լոզան քաղաքում ձեռք բերված համաձայնագիրը համարում է ոչ միայն տարածաշրջանի, այլեւ նույնիսկ ամբողջ աշխարհի քաղաքական-տնտեսական «դիմագիծը» փոխող իրադարձություն:

Թուրքիա – Իրան քաղաքական լարված հարաբերություններն ավելի ու ավելի սրվելու միտում են դրսեւորում… Հակաիրանական հայտարարություններից հետո Թուրքիայի նախագահ Ռեջեփ Էրդողանի Թեհրան կատարած այցով երկու երկրների փոխհարաբերությունների «սառույցը» չհալվեց: Իրանցիները, սակայն, այդ այցին վերաբերվեցին իրենց բնորոշ դիվանագիտական նրբին հումորով:

Նախորդ շաբաթ Թուրքիայի նախագահ Էրդողանը հանդես եկավ հակաիրանական կոշտ հայտարարությամբ, որով մեղադրեց ԻԻՀ իշխանություններին, որ վերջիններս բացահայտ միջամտում են Եմենում տեղի ունեցող գործընթացներին՝ տարածաշրջանում դրսևորելով գերիշխանական հավակնություններ: Էրդողանը նշեց նաև, որ ԻԻՀ հիշյալ «գործողություններն» անհանգստացնում են ոչ միայն Թուրքիային, այլև Սաուդյան Արաբիային և Պարսից ծոցի մյուս երկրներին:

ՀՀ նախագահ Սերժ Սարգսյանի` Չինաստան կատարած այցը բավականին հագեցած էր թե՛ կայացած հանդիպումների, թե՛ ստորագրված փաստաթղթերի և թե՛ Հայաստանը Ասիայում ճանաչելի դարձնելու իմաստով:
ՀՀ նախագահի այցով հայ-չինական հարաբերությունները դրվեցին նոր ռազմավարական գործընկերության մակարդակի վրա: Նմանօրինակ հագեցած օրակարգով ու բովանդակությամբ այցը, կարելի է ասել, վերջին շրջանում մեր արտաքին քաղաքականության լուրջ ձեռքբերումներից է:

ՀՀ Ազգային ժողովը մարտի 24-ին միաձայն ընդունեց Օսմանյան Թուրքիայում հույների եւ ասորիների ցեղասպանությունը դատապարտող հայտարարությունը:

Իրանալեզու մեր հարևաններից իր Ամանորն է տոնում նաև ազատաբաղձ թալիշ ժողովուրդը, որն այսօր հածում է Ադրբեջանի բռնապետական ռեժիմի ճիրաններում: Նոր տարին նոր` ազատ, ինքնիշխան կյանքի հույսեր է արթնացնում այս ժողովրդի հազարավոր զավակների սրտերում, որոնք թե՛ Ադրբեջանում և թե՛ ամբողջ աշխարհում ապրում և պայքարում են հանուն սեփական անկախ եզերքի` հայրենիքի: