«Զինվորական ծառայություն անցնելու մասին» ՀՀ օրենքի 45-րդ հոդվածի 1-ին կետի համաձայն` պարտադիր ժամկետային զինծառայողի ծառայության ընթացքում խրախուսման կարգով` ոչ պակաս, քան 6 ամսվա բարեխիղճ ծառայության դեպքում, կարող է տրվել մեկ հիմնական արձակուրդ` հետևյալ տևողությամբ.

2011թ. մայիսի 16-ին ՀՀ ՊՆ առընթեր Հասարակական խորհրդի հովանու ներքո գործող զորակոչային հանձնաժողովին է դիմել քաղաքացի Լուսյա Իսրայելյանը` խնդրելով միակ որդուն` Վ. Գյոզալյանին զինծառայության ուղարկել բնակավայրին հնարավորինս մոտ տեղակայված զորամաս` հաշվի առնելով իր ընտանեկան ծանր վիճակը: Դիմումատուն և ամուսինը 2-րդ և 3-րդ խմբի անժամկետ հաշմանդամներ են: Դիմումատուն նշել է, որ ապրում են ծայրահեղ ծանր վիճակում` սուղ նյութական և ֆինանսական պայմաններում:

2009թ. նոյեմբերի 19-ին ՊՆ առընթեր ՀԽ-ին է դիմել Երևան քաղաքի բնակիչ Ա. Խաչատրյանը` հայտնելով, որ որդին` Վ. Շահինյանը, 10 տարեկան հասակում ծնկահոդային վնասվածք է ստացել, 2003թ. բուժվել է ստացիոնար պայմաններում, ախտորոշվել է «Սուր արթրիտ, աջ ծնկային հոդի քրոնիկ սինովիտ»: 2009թ. հունիսի 22-ին զորակոչվել է ծառայության: 20 օր անց ծանր վիճակով տեղափոխվել է հոսպիտալ, որտեղ ախտորոշվել է «Արթրիտ, երկու հոդերի սինովիտ»: Օգոստոսի 5-ին տեղափոխվել է ՊՆ ԿԿԶՀ-ի բժշկա-թռիչքային բաժանմունք, որտեղ երեք ամիս ստացել է ստացիոնար բուժում, ախտորոշվել է ռեակտիվ արթրիտ, A-III, պոլիարթրիտ, ՖԱ-II:

2010թ. նոյեմբերի 22-ին Երևան քաղաքի բնակիչ Կ. Դանիելյանը դիմել է ՊՆ առընթեր ՀԽ հովանու ներքո գործող զորակոչային հանձնաժողովին` հայտնելով, որ եղբայրը` Ն. Դանիելյանը, նոյեմբերի 18-ին զորակոչվել է ծառայության ՊՆ N զորամաս: Դիմումատուի համոզմամբ, եղբոր զորակոչն անօրինական է եղել, պահանջում էր չեղյալ համարել զորակոչման որոշումը:
Դիմումի ուսումնասիրությամբ պարզվել է, որ Ն.Դանիելյանի ընտանիքի անդամներ են 2001 թվականից 2-րդ խմբի ցմահ հաշմանդամ ավագ եղբայրը, անչափահաս քույրը և 83 տարեկան տատը:

Այն քրեական գործերը, որոնց քննության վերաբերյալ անվստահություն կա, հարուցվել են նախքան իմ պաշտոնավարումը (Տիգրան Օհանջանյանի, Արտակ Նազարյանի, Վալերի Մուրադյանի եւ էլի մի քանիսի)։ Օրինակ՝ Վալերի Մուրադյանի ինքնասպանության վերաբերյալ գործը կասեցված էր մինչեւ իմ զինդատախազ նշանակվելը. իմ նախաձեռնությամբ գործի քննությունը վերսկսվեց, քննության ընթացքում բացահայտեցինք եւ որպես մեղադրյալ կալանավորեցինք մեկ զինծառայողի։ Վերջինս ազատ արձակվեց համաներման ակտով։ Գործի քննությունը այժմ շարունակվում է։ Արտակ Նազարյանի գործը մեղադրական եզրակացությամբ ուղարկված է դատարան։

Համաձայն «Զինվորական ծառայություն անցնելու մասին» ՀՀ օրենքի 4-րդ հոդվածի 4-րդ կետի, շարքային կազմի համար պարտադիր զինվորական ծառայության ժամկետը սահմանվում է 24 ամիս:
Անհրաժեշտության դեպքում կառավարության որոշմամբ պարտադիր զինվորական ծառայությունը կարող է երկարաձգվել մինչև երկու ամիս ժամկետով, իսկ առանձին զինծառայողների և նրանց խմբերի (կազմերի) պարտադիր և պայմանագրային զինվորական ծառայությունը պետական լիազոր մարմնի ղեկավարը (պաշտպանության նախարարը) կարող է երկարաձգել մինչև մեկ ամիս ժամկետով:

Հարգելի տիկին Առաքելյան, Ձեր որդու զորակոչման վերաբերյալ հարցը ենթակա է քննության ՀՀ կառավարության որոշմամբ ստեղծված կենտրոնական բժշկական հանձնաժողովի կողմից, որի եզրակացության հիման վրա կպարզվի նրա զինվորական ծառայության պիտանելիության կարգավիճակը:
Ձեզ հետաքրքրող հարցը կարգավորվում է «Զինապարտների բժշկական եւ զինծառայողների ռազմաբժշկական փորձաքննության կարգը հաստատելու մասին» ՀՀ պաշտպանության նախարարի 26.02.2010թ. N175 հրամանով: